PERFUNDOI FESTIVALI FOLKLORIK “I KËNDOJMË LIRISË” KLINË 2007

SHKRUAN DIBRAN FYLLI

PËRFUNDOI FESTIVALI FOLKLORIK “I KËNDOJMË LIRISË”KLINË 2007

Shpalosje e vlerave të Folklorit burimor

Nata e parë, e dytë dhe e treta finale e Festivalit Folklorik gjithëkombëtar “I këndojmë lirisë” ka shpalosur vlerat e mirëfillta të folklorit burimor nga të gjitha trojet shqiptare. Paraprakisht në Sheshin “Mujë Krasniqi” është bërë parakalimi artistik i grupeve artistike, rapsodëve dhe valltarëve pjesëmarrës në mbrëmjet konkurruese. Gjithçka para paraqitjes se artistëve në skenën e madhe të Festivalit Folklorik dhe gjatë programit kishte karakter festiv. Dukagjini, Drenica e mbar Kosova kishin mësy qytetin e Klinës për t’ia shtuar madhështinë Sheshit “Mujë Krasniqi” dhe Platos para Pallatit të kulturës “Jehona e Dukagjinit” dhe për t’i përcjell mbrëmjet konkurruese si dhe mysafirët e shumtë që kishin ardhur për ta nderuar skenën e festivalit.

Parapërgatitjet për fillimin e mbrëmjes së parë

Në mbrëmjen e parë konkurruese, më 6 qershor 2007, morën pjesë 15 Shoqëri Kulturore, rapsodike dhe valltar të ardhur nga Lezha, Besiana, Sharri, Vitia e nga troje tjera shqiptare, duke i shpalosur vlerat e folklorit burimor në skenën madhështore të Festivalit Folklorik “I këndojmë lirisë” në Klinën e buzë Drinit.

Po ashtu edhe mbrëmja e dytë konkurruese më 7 qershor, përkundër motit paksa të lig, nuk kaloi pa vlera artistike, por edhe mund të thuhet së ishte mbrëmja më e begatë përkrah shpalosja e vlerave artistike të folklorit burimor. Këtë mbrëmje morën pjesë në konkurrencë mbi 15 grupe me mbi 200 artist që e shijuan kënaqësinë e skenës dhe skenografisë  së punuar mjeshtërisht nga piktori Idriz Berisha e që tregonte edhe një vlerë historike të pasurisë natyrore të Ujëvarës së Mirushës, këtu në qytetin e buzë Drinit, duke lënë përshtypje të mira për publikun e ardhur nga të gjitha trojet shqiptare.

Ansambli nga Mirdita dhe Klina

Më 8 qershor, në orën 14:00, në kuadër të veprimtarive përcjellëse të Festivalit, u bë promovimi i tri veprave letrare të autorit Dibran Fylli dhe e një përmbledhje të poezive të nxënëses Fetije Berisha, nga Qendresa.

Orën e promovimit e hapi aktori veteran i skenës Kosovare Sylejman Lokaj, me leximin dhe interpretimin e bukur të vargjeve nga libri “Sharkia e Drenicës”.Kjo vetvetiu përbën një ngjarje kulturore, madje përbën një akt sublim kulturor, sado modeste që të jetë ajo ngjarje, e tha publicisti dhe redaktori i veprave Prend Buzhala, duke vazhduar më tej fjalën e tij për librin e Fyllit “edhe kjo është pjesë e jetës”:”Nëse e vështrojmë vertikalen diakronike realitet-art, kohë-letërsi, nëse pra, fat i personazhit përkon me atë të krijuesit, kjo do të thotë se mundja e së keqes bëhet në mënyrë kreative, me rrugë jashtëzakonisht njerëzore e humane, ashtu sikundër vetë Dibran Fylli, në do kohë të tjera, iu ka dhënë përgjigje kërkesave të kohës me armën çlirimtare në dorë...”

Më pas me fjalime u paraqiten Hajdin Morina, redaktor i librit “Sharkia e Drenicës”, duke e quajtur përmbajtjen e librit si Himn për Drenicës, duke i lënë rend recensentit të librit të tretë “Ditari i Tafrrukut...”, z. Ismet Krasniqi, i cili tha se: personazhi kryesor në këtë libër me kthen mbrapa në vitet e 60-ta, ku të gjitha ato komedi që kanë ndodhur atëherë mund të ndodhin edhe sot, si në skenë ashtu edhe në përditshmëri...Pastaj fjalën e mori kryetari i Degës së Lidhjes së Shkrimtarëve të Pejës z. Sejdi Berisha, i cili përcjelli urimet e kolegëve tjerë që nuk ishin prezent në këtë ngjarje të madhe kulturore siç e quajti zoti Berisha, duke komentuar për librat që i kishin para vetes...

Pastaj në ora 16:00, ka vazhduar aktiviteti në kuadër të Festivalit me Tribunën Shkencore, me titull “Lufta e UÇK-së-vazhdimësi e luftërave për çlirim e bashkim kombëtar”, ku me kumtesat e tyre u paraqitën:

1. Dr. Jusuf Osmani, Drejtor i Arkivit të Kosovës, tema:”Klina me rrethinë në dokumente arkivore dhe UÇK-ja”

2. Dr. Izber Hoti, nga Instituti i Historisë, tema:”Mbështetja historike format dhe mënyra e luftës së UÇK-së”.

3. Dr. Asllan Krasniqi, nga Arkivi i Klinës, tema:”Lufta e UÇK-së-komandant Mujë Krasniqi dhe krijimtaria”.

4. Prend Buzhala, publicist, tema:”Lufta e UÇK-së në literaturë”.

5. Dr. Lush Culaj, nga Instituti Albanologjik, tema:”Ushtria shqiptare gjatë historisë”. Dhe ajo që ishte pritur me padurim nga publiku dhe nga artistet e shumtë pjesëmarrës në garën për :Çmimin Mujë Krasniqi” dhe shpërblimet tjera, ishte nata e tretë finale më 8 qershor. Këtë mbrëmje morën pjesë, ose e shkelen skenën mbi 300 artist, rapsod e valltar të shoqërive e Ansambleve të ndryshme nga Ulqini, Kumanova, Skënderaj, Mitrovica, Gjilani e nga vende tjera ku me fanatizëm ruhen vlerat e folklorit burimor.

Ansamblet që morën pjesë në natën e tretë finale

Juria profesionale në përbërje: Prof. Dr. Zymer Neziri, prof. Rahmi Imeri, Deli Metalia-koreograf nga Tropoja, Minire Fetahu-redaktore e muzikës në RTK dhe Prend Buzhala-poet dhe publicist, nuk e patën të lehtë, në mesin e shumë atyre vlerave që u shpalosen për tri net radhazi, ta vendosin se kujt do t’i takonte “Çmimi Mujë Krasniqi”, dhe pas një pauze e qetësie që mbretëronte në Pallatin e kulturës në Klinë, aty ku po vendosej për çmimin e madh dhe për shpërblime tjera, juria doli para shikuesve të shumtë dhe komunikoi rezultatet.

Juria e Festivalit Folklorik “I këndojmë lirisë” 2007

Fituesi i “Çmimit Mujë Krasniqi” dhe shpërblimeve tjera:

1. Vendi i parë-“Çmimi Mujë Krasniqi” iu nda Ansamblit nga Mirdita

2. Vendi i dytë-SHKA “Shotë Galica” nga Drenasi

3. Vendi i tretë-“Zëri i Shalës” nga Mitrovica

4. Grupi më i kompletuar-SHKA “Ulpiana” Lypjan

5. Veterani i Festivalit-Zija Aliu, SHKA Kemajl Azizi” Viti

6. Teksti më i mirë-SHKA “Mujë Krasniqi nga Çabiqi

7. Veshja më autentike-SHKA nga Ulqini

8. Instrumentalisti më i mirë- Sylë Malaj, Skënderaj (Gajde)

9. Çmimi i publikut-Sinan Gashi dhe Shkelzen Morina

10. Vallja më e mirë-SHKA “Sharri” nga Hani i Elezit

 skenaristi & regjisori Dibran Fylli, dizajneri Skënder Behramaj

dhe moderatorja Arlinda Sejda