SHKRUAN DIBRAN FYLLI

Bastiset dhe prangoset anëtari i Shoqatës për Përmirësimin e Padrejtësisë-SHPP, Përfaqësia në Kosovë, avokati Gani Morina ?!

Muaj prill, mund të quhet edhe muaji i vandalizmit policor në Kosovë, arsyeja është e thjeshtë; Njësiti i krimeve i SHPK-së nga Prishtina, me një urdhër kontrolli të Gjykatës së Qarkut të Prizrenit, vijnë në Klinë, në 4:30 të mëngjesit, për ta zbatuar urdhrin apo për ta shëmtuar “drejtësinë”. E rrethojnë shtëpinë e avokatit Gani Morina, e bastisin deri në palcë dhe shkojnë deri aty sa edhe e prangosin një avokat me Fakultetin e Drejtësisë e me përvojë, madje edhe të gjyqtarit, pa as më të voglin argument !?
Gani Morina, vetëm një ditë para së të bastiset e të i shijoj prangat e demokracisë, anëtarësohet në SHPP, shoqatë e posa formuar në Kosovë. Shoqata jonë është, ka qenë dhe gjithmonë do të jetë në krahun e se drejtës dhe në luftë kundër padrejtësive, prandaj nuk mund të hesht dhe do ta ngris zërin kundër këtij vandalizmi dhe akti të pakuptimtë që i ka ndodhur anëtarit tonë zot. Gani Morina.
Së si ka ndodhur ditën e 17 prillit 2007, në shtëpinë dhe oborrin e avokatit, lexo artikullin e poshtëshënuar nga vet përjetuesi i padrejtësisë, zot. Gani Morina....
<<<<<<<<<<<<<<<<<<<<<<<<<<<<<<<>>>>>>>>>>>>>>>>>>>>>>>>>>>>>>>
GANI MORINA

PËRSE U PRANGOSA DHE U BASTISA NGA NJËSITI PËR KRIME I PRISHTINËS

Me datën 17.04.2007 rreth orës 4,30 në momentin kurë unë dhe bashkëshortja ime ishim duke fjetur, në shtëpinë time kanë hyrë dhunshëm afër 20 policë,të njësitit të krimeve të SHPK-së nga Prishtina. Ata me britma :”policia mos lëvizni” me kanë zbritur nga divani dhe me kanë shtrirë në bark për dyshemeje, me ç`rast edhe me kanë prangosur. Absolutisht nuk e kam ditur arsyen e një akti të tillë, ashtu që në fillim se ndoshta janë hajna të maskuar me uniforma policore. Kur me kanë ulur në divan u kam thënë mos jeni gabim more djema? Njeri prej tyre me tha se:” ne kurrë nuk gabojmë”. U thash se ju tani e betë gabimin e parë, pasi që ju fare nuk mi shpjeguat arsyet e një ndërhyrje të tillë dhe kur i kam pyetur se a keni urdhër kontrolli, njeri prej policeve ka filluar të përkthej nga anglishtja urdhër kontrollin e Gjykatës se Qarkut të Prizrenit. I njëjti urdhër kontrolli ishte në kundërshtim flagrant me dispozitat e nenit 240 paragrafi 5 të KPPPK, pasi që përpos që nuk ishte në gjuhën shqipe,as kund nuk figuronte emri e as mbiemri im. Nuk ishte i identifikuar objekti i kontrollimit,pasi që shtëpia ime se bashku edhe me 29 shtëpi tënë Rr.”Bajram Curri” kanë numra dhe shtëpia ime ka numrin 13 e cili fare nuk figuronte në urdhër kontroll. Përshkrimi i veprës penale nuk kishte të bënte fare me mua. Flitej për personat: 1. Samir Shala,2. Hamit Shala,3.Adem Morina,4.Skender Morina dhe 5.Azem Morina se janë duke u kërkuar nga organet për veprimtari kriminale të shitblerjes se lendeve narkotike. Njoftohem se dy të paret paskan banuar në Rr.”Bajram Curri” në një shtëpi tre katesh,edhe me tutje pa numër dhe pa emër dhe mbiemër të pronarit. Ju themprapë , more djema po e keni gabim ,kjo shtëpi nuk është tre katesh por është një katesh Përpiqem t`ua sqarojë se të unë banorë të fundit kanë qenë para tre vitesh Gjovalin Ndoja me bashkëshorten e tij Mrikën dhe dy fëmijët e tyre, nga Laqi i Shqiperisë. Kurrë me as kush nuk ka banuar në këtë shtëpi përpos meje dhe bashkëshortes sime. Këtë keni mundur shumë lehtë ta vërtetoni para se të vini këtu,nga se këtë mund ta dëshmojë e gjithë rruga. U them këta persona mos i kërkoni këtu se lere të unë që nuk kanë banuar kurrë,por nuk kanë banuar as në këtë rrugë dhe as kush nuk i njeh.

Qeshtë e vërteta,mosha e ime,sqarimi i ngadalshëm i biografisë sime se bashku me paraqitjen time shumë serioze m`u duk se krijojë te të njëjtit një hezitim që të mos vazhdohet tutje me kontrollin. Mirë po presioni nga dikush që kishte drejtuar gishtin në drejtim të nëpërkëmbjes se dinjitetit tim ishte tepër i fuqishëm dhe sipas të gjitha gjasave ky nuk ishte vetëm një informator tendencioz dhe gënjeshtar ,por fatkeqësisht kishte ndikim. Ndikimi i ti i detyron ekzekutoret e këtij akti që t`i hynë kontrollit detal të shtëpisë dhe të oborrit tim,bile edhe me qenë të cilit (qenit) i jam shumë mirënjohës për sinqeritetin e tij,ashtu që rreth orës 07:06 përfundon kontrolli dhe me lëshohet dëshmia ku thuhet se gjatë kontrollit nuk kemi gjet asgjë të dyshimtë.

I pyes se a jam i lirë të shkoj në punë,nga se e kisha edhe një gjykim e të cilin për këtë shkak nuk e arrita. Kryesuesi me thotë shko avokat. Mirë po atij që kishte drejtuar gishtin kah unë nuk i mjaftojë përfundimi i kontrollit,andaj i kishte urdhëruar kontrolluesit që të presin,nga se edhe njëherë duhet të përsëritët kontrolli,pasi që sipas tij nuk ishte e mundur që një “ kriminel” i tipit të Gani Morinës të shpëtojë pa iu gjetur objekti i kërkuar i veprës penale. Qeshtë e vërteta, tani fillova të frikohem,nga se në oborrin tim,por edhe në të gjitha oborret tona pa kurrfarë problemi tipat si ky mund të lënë çka të duan dhe kurë të duan.

Nuk vonon shumë dhe me thërret kryesuesi,avokat nëse mundësh eja. Kurë shkova, përpos të parëve i gjeta edhe dy civil të cilët po bënin një përsëritje të kontrollit në oborr.

Dikush me tha, avokat ne tani po e dimë se kush je ti, por dikush po lyp q...nënën.

Në Rr.”Bajram Curri” se bashku me familjen time janë edhe 29 familje tjera, të gjitha të ndershme.

Nga të gjitha këto familje më i dyshuari jam unë Gani Fazli Morina i lindur me 13.11.1944 në të cilën datë edhe i mbushi 63 vjet.

Nga të gjitha këto familje jam unë me i dyshuari Gani Morina, arsimtar dhe profesor shembullor që kam respektin dhe nderimin e jashtëzakonshëm nga të gjitha gjeneratat të cilat kanë kaluar në për duart e mia.

Nga të gjitha këto familje jam unë me i dyshuari Gani Morina që pikërisht për shkak se nuk pranova të gjykojë në bazë të qëndrimeve politike,por në bazë të ligjit u shkarkova në vitin 1987 nga detyra e gjyqtarit për kundërvajtje.

Nga të gjitha këto familje më i dyshuari jam unë Gani Morina që nën breshërinë e plumbave dhe të granatave e udhëhoqa punët e Këshillit për Mbrojtjen e të Drejtave dhe të Lirive të Njeriut në Klinë.

Nga të gjitha këto familje jam unë Gani Morina që në mënyrë shumë të përgjegjshme në pozitën e Sekretarit të parë të Këshillit Komunal në Klinë pas luftës i vura themelet e pushtetit lokal.

Nga të gjitha këto familje më i dyshuari jam unë Gani Morina që në mënyrë shumë të përgjegjshme i udhëhoqa punët e detyrës se Z.V. Kryetarit të Këshillit Komunal në Qeverinë e Përkohshme pas luftës dhe fuqishëm i mbrojta vlerat e Luftës se Ushtrisë Çlirimtare.

Nga të gjitha këto familje me i dyshuari jam unë Gani Morina që e themelova dhe udhëhoqa Shoqatën “Miqtë e Trupave të Mbrojtjes se Kosovës” në Klinë.

Nga të gjitha këto familje me i dyshuari jam unë Gani Morina,tani avokat,intelektual,bile autor i Dramës “Ecje Drejt Lirisë”.

Biografinë time nuk e përshkrova për t`u vet lëvduar,por për të treguar se sa absurd dhe sa i pa bazë ishte dyshimi për të u prangosur sikur të isha kriminel i tipit të Alldo Baros e jo si jam me një biografi shumë brilante morale dhe kombëtare,të cilës biografi as një pikë dhe as një presë nuk mund t`ia heqin gishtat që fatkeqësisht vazhdojnë të drejtohen kah njerëzit ndershëm që nga koha e Rankoviqit e edhe në ditët e sotme.

Kontrolli nuk ka mundë të kryhet as sipas dispozitave të nenit 242 paragrafi 4 i KPPPK,nga se tani bëhet pyetje se kush do të bënte rezistencë të armatosur, unë apo gruaja ime kur që te dy i kemi nga 63 vjet dhe cili prej nesh na qenka marrë me veprimtari kriminale.

Me qenë se kontrolli i shtëpisë dhe oborrit tim është bërë në kundërshtim me dispozitat e nenit 240 paragrafi 5 i KPPPK,kontrolluesit në mënyrë të kundërligjshme kanë kontrolluar shtëpinë time,me ç`rast kanë kryer veprën penale të cenimit të pa prekshmërisë se banesave që duhet të përgjigjën sipas dispozitave të nenit 166 paragrafi 3 të LPPK.

Kontrolluesit në mënyrë të kundërligjshme kanë bërë kontrollin e shtëpisë dhe të oborrit tim,andaj duhet të përgjigjen sipas dispozitave të nenit 167 të njëjtit kod.

Në të përditshmen Koha Ditore e datës 18.04.2007 thuhet se një burim i SHPK-së në Klinë na paska qenë në dijeni së në banesën time qenka duke u fshehur një i dyshuar nga Prizreni. Tani del se nuk është fare vërtetë se SHPK-ja e Klinës nuk po ditka asgjë për këtë rast.

Organi policor i Klinës jo vetëm që paraprakisht ishte në dijeni për këtë rast,por edhe vjen deri të konfirmimi i çuditshëm se Gani Morina me gjithë biografinë e përshkruar më lartë paska shkalluar deri në at nivel sa që po pranuaka që ta përfundojë jetën e tij duke fshehur në shtëpinë e vet trafikant të drogës. Po edhe sikur të qëndronte ky konkluzion kaq i çoroditur,së paku Policia e Klinës shtëpinë time për çdo ditë e shohin,nga se nuk është hiq më larg se 500 metra prej tyre dhe se me vullnetin dhe obligim profesional edhe sot shumë lehtë mund ta kuptojnë se në shtëpinë time nuk mund të fshihet as vremqi e lere më njeriu. Shtëpia ime gjendet në 7 ari oborr,teren krejtësisht të pastër,me rrethoja të tejdukshme dhe shumë të ulëta. Po këso konfirmime kaq qesharake mund të nxjerrin vetëm individ dhe shërbime primitive që nuk e kanë as minimumin e etikës profesionale dhe njerëzore. Nuk ka dyshim se te unë nuk është kërkuar droga e as trafikantet e saj ,por komprometimi im.

Tani kjo po shihet se skenari i montimit kundër meje nuk është koordinuar si duhet në mes të Shërbimit Policor të Klinës dhe Njësitit të krimeve në Prishtinë,pasi që njoftimi i paskohshëm i ekzekutorëve të kontrollit nuk bënte fjalë për një të dyshuar të fshehur në shtëpinë time ,por thuhej se Samir Shala dhe Hamit Shala kanë banuar në Rr.”Bajram Curri”.As nga shpjegimi gojor e as në përmbajtjen e urdhër kontrollit nuk thuhej se personat e cituar fshehën në shtëpinë nr. 13. të pronarit Gani Morina,andaj kontrolli i shtëpisë dhe oborrit tim nuk ka mundur të kryhet as sipas dispozitave të nenit 245 paragrafi 5 të LPPPK-së. Askush prej ekzekutuesve të kontrollit nuk e kishte idenë se me kënd kanë të bëjnë. Nuk e dinin as emrin , as mbiemrin ,as profesionin tim. Nuk ka kurrfarë dyshimi se ata kishin ardhur në drejtim të gishtit të dikujt. Është e pa kontestueshme se ai që ka drejtuar gishtin në drejtim timin ka lajmëruar rrejshëm dhe se ka kryer veprën penale nga dispozitat e nenit 306 paragrafi 1,2dhe 4 të LPPK-së.

Me qenë se ky person deri me tani nuk është arrestuar,at`herë personat e implikuar në këtë ngjarje kanë kryer edhe veprën penale të mos lajmërimit të veprave penale,apo të mos lajmërimit të kryesit të saj,andaj duhet të përgjigjen sipas dispozitave të nenit 304 paragrafi 1 dh 2 të KPPK.
Për të gjithë këta persona unë kam ushtruar kallëzim penal të Prokuroria e Qarkut në Pejë.

Kam thënë se në këtë rast ka dorë pushteti lokal në Klinë, dhe cilat janë arsyet:

-përcaktimet e mia partiake,
-para luftës një pjesë e konsiderueshme e anëtarëve të këtij pushteti kishin qëndrim
tejet negativ për të burgosurit politik shqiptar të viti 1981,për të cilët unë gjithmonë kam pasur respekt,
-qëndrimi shumë negativ i disave për Luftën e Ushtrisë Çlirimtare të Kosovës,të cilën si thash më lartë shumë herë e kam mbrojtur publikisht,
-përpjekjet e disave për relativizmin dhe minimizimin e vlerave dhe rezultateve të kësaj lufte,të cilat përpjekje unë shumë herë i kam kundërshtuar,
- përpjekjet e disave për komprometimin e personazheve kryesore të luftës se Ushtrisë Çlirimtare të Kosovës,të cilat përpjekje gjithmonë i kam kundërshtuar.
Kjo nuk do të thotë se unë dyshojë në secilin anëtar të këtij pushteti,por për pjesën që thash publikisht e kam thënë dhe e përsëris se për arsyet e përmendura nuk kam për ta kurrfarë konsiderate.

Në Kohën Ditore të datës 18.04.2007 një anëtar i këtij pushteti,për të cilin kam respekt merr mundimin që të ma përkujtojë se unë si avokat duhet ta dije se SHPK-në nuk e drejton pushteti lokal. Nuk i vëj faj,pasi që niveli i pa mjaftueshëm arsimor nuk i jep mundësi të dallojë shprehjen ka dorë nga shprehja drejton.

Me 26.03.1999 në shtëpinë time kanë qenë afër 5o milic serb. Ata me kanë kërkuar mua dhe te unë kanë kërkuar armë. Tani e dijë se këtyre që kanë urdhëruar kontrollin te unë do të u kishte ardhur mirë që të me kishin gjetur,por ja që nuk me gjetën dhe tani jam gjallë.

Mua me njohin shumë njerëz dhe e dinë se milicia serbe të unë ka mundur të kërkojë çdo gjë ,por kurrë nuk do të kërkonte drogë dhe trafikant të drogës.

Si do qoftë mua këta njerëz më kanë shkaktuar dëm në shumë aspekte e që po përpiqem të i prezantojë në vijim:

1. Me kanë shkaktuar dëm shëndetësor ,pasi që prej asaj nate bashkëshortja ime me 5 operacione shumë të rënda ,tani ka një çrregullim total psikik dhe gjendja e saj vazhdimisht po keqësohet gjë që nuk mund të përmirësohet pa investim të konsideruar për shërimin e saj .

2 Me kanë shkaktuar dëm moral duke me dhunuar dinjitetin tim e që do të ketë pasoja edhe në punën time profesionale duke krijua dyshim edhe të qytetaret që kanë nevojë për ndihmën time juridike.

3. Me kanë fyer dhe poshtëruar duke me prangosur para bashkëshortes sime sikur të isha një kriminel i ndyrë dhe jo intelektual me autoritet dhe prestigj.

Tani unë e di se i ndershmi urrehet nga i pa ndershmi. I moralshmi urrehet nga i pa moralshmi.I karakterëshmi urrehet nga i pa karakterëshmi. Atdhetari urrehet nga anti kombëtari etj.
Unë do t’i porosis ata që urdhëruan këtë akt të shëmtuar kundra meje që:
- të mos kërkojnë poshtërsi,atje ku ka nderë,
- të mos kërkojnë amoralitet aty ku ka moral,
- të mos kërkojnë njerëz pa karakter aty ku ka karakter.

Ata, jam i bindur se e dinë ku është droga dhe trafikantet e saj,le t’i gjejnë,por unë kam edhe një porosi për ta:

Ejani të unë prapë se unë dinjitetin tim di ta mbrojë dhe do ta mbrojë deri në fund në rrugë ligjore,por mos gaboni me ndonjë tjetër kështu si me mua,nga se ndonjërin mund ta detyroni që nderin e tij ta mbrojë me mjete shumë ekstreme e që pastaj për ju edhe për te do të përfundonte me epilog fatal.

Sa shumë me janë dhimbsur ata djem at natë që ju i kishit qitur para aktit të kryer dhe se gjendja shpirtërore e tyre ishte shumë e pa lakmueshme.
Sa keq po me vjen që duhet të përballëm me ta në organe të drejtësisë e faji është prapa shpinës së tyre.

Dhe në fund e njoftojë gazetën së për këtë rast janë të njoftuar:
-Oda e Avokatëve të Kosovës,
-avokati i Popullit,
-KMDLNJ,
-Ministri i Drejtësisë,
-Ministri i Rendit,
-Komisari i SHPK-së,
-Standardet e SHPK-së dhe
Për persona të caktuar është ushtruar kallëzim penal të Prokuroria Publike Komunale në Pejë.
_____________________________________________________________________
Kjo letër i është dërguar gazetës “Epoka e re” dhe web faqes në internet www.albanur.net & www.vendlindja/shqip/kosova/dibran_fylli, si dhe Zot. Qazim Xani, kryetar i SHPP-së, Selia qendrore në Lubjanë.
______________________________________________________________________
 

NESE KENI KOMENTE DHE DUANI TE MERRNI PJESE NE DISKUTIME, KLIKO KETU!