Zgjedhjet Parlamentare 2006

Pas nje viti pushim, zagoria partiake e BDI-se, permes qatibit Petrit Menaj, perseri leshohet ne avanturen kunder Musa Lamallarit!

WEB FAQE FALAS

Jeni i angazhuar me biznis, keni firme dhe deshironi qe biznesi juaj te ze vend te merituar edhe ne internet, atehere Albanur ekziston per ju...Me reklamimin e juaj ne faqet tona, JU FITONI SHUME!

ADVERTISING AT ALBANUR

Advertising your business using the internet and the World Wide Web is not just about pretty pictures on a computer.

AlbaNur reaches the whole Albanian community throughout the world in real time.  Many of our visitors are from Europe & America, however there is growing traffic from our homeland in the Balkans as there become more internet users.  We strive to have the most up to date local and global issues important to Albanians, to ensure our continued success.  

E-Mail us at  TIM SHKUPI to find out how you can advertise your business at "AlbaNur".

ADVERTISING AT ALBANUR

DINSEZAT DHE SOJSEZAT E MARRUM NE DITEN E PAZARIT

Alija, të qanë ditën dhe të vret natën, Thaci, kur e sheh se ka butë najkund, i ndërsen kopukët dhe gazuzaxhit, e ky Veseli, pa kurriz e mban konopin, edhe për njërin, edhe për tjetrin. Të tre e kanë kuptuar se mënyra e vetme me qenë pjesë e pushtetit të Krusheviqkës është kërcnimi, dhuna dhe likuidimi i shqiptarëve.

Partitë që përfaqësojne shqiptarët në Parlamentin e Shkupit janë në një labirinth që prej kohësh e kam quajtur Krusheviqka, ku Thaci dhe Alija me konopin Veseli bëjnë luftë të pakompromist kush më tepër do të bëhet: Piti Guli. Kjo është shumë keq. Katastrofë. Kështu kam pas reaguar kundër të dyve kur sulmuan lëvizjen Vetëvendosja të Albin Kurtit me 10 shkurt 2007. Tre protagonistët e kësaj loje Krusheviqka janë komplet në shërbim të qeverisë untariste të Shkupit, e cila asnjëhere s’ka bërë punë të hajrit për shqiptarët, edhe pse aty ka pasur shqiptarë. Pak ka rëndësi se kush është në krye të kësaj qeverie: Gruevski apo Cervenkovski. Ajo është qeveri unitariste. Shpresa e shqiptarëve u ngjallë pas lufte, por megjithatë mbeti vetëm shpresë me rrena se kemi fituar luftë, jemi të malit, kurse njerzit e malit në kolltuket e Parlamentit u tretën në një strategji për t’i integruar shqiptarët etnik në tokën e tyre, por me një emër “Hajde shkojmë ne Shtip”

Alija, të qanë ditën dhe të vret natën, Thaci, kur e sheh se ka butë najkund, i ndërsen kopukët dhe gazuzaxhit, e ky Veseli, pa kurriz e mban konopin, edhe për njërin, edhe për tjetrin. Të tre e kanë kuptuar se mënyra e vetme me qenë pjesë e pushtetit të Krusheviqkës është kërcnimi, dhuna dhe likuidimi i shqiptarëve. Me një fjalë për situatën e krijuar në Parlament janë përgjegjës këta tre, por s’ka kush me i marr në përgjegjësi për shkak se të gjithë së bashku kanë mbrotjen e shtetit unitarist. Gjtihcka mund të bëjnë, por jo të prekin edhe themelet e këtij shteti. Për shqiptarët indiferent, ose që janë larguar nga këto parti: s’do mend se fajtor janë keta tre musketar të katastrofës. Asnjë nuk mund të jetë aty viktimë. Vetëm për një arsye: të gjithë janë pjesmarrës ne krimin mbi votat e shqiptarëve. Megjithatë duhet të potencoj se vet Ali kijameti nuk i ka qejf luftat frontale, por ju ik duke i nxjerr të tjerët, në këtë rast edhe më keq, duke lënë një grua si Teuta Arifin në luftë me Thacin dhe Matoshin e gurmishtë. Sa keq për të gjithë: vërtetë KATASTROFE!

Thaci kërcnimet i ka merak, pasi i pari është që u vëndua në shërbim të Veliqkave dhe Pavlave dhe futi krimin në politik. Alija ka qejf me u zgërdhij kur dikush rrifet ose vritet nga kriminelet e dirigjuar nga suita e tij. Keq, vallahi keq. Veselit, s’i bëhet vonë, herë në njerën, herë në tjetrën… Krejt kot.

Një kohë të gjatë këta dy parti bëjnë luftë ndërmjet veti. Mjafton të shikosh faqet e tyre në internet dhe e tëra bëhet kijamet. As njëra e as tjetra punët nuk i kanë për mashalla. Një rrahje e tillë në Parlament më shumë ju ka desht Thacit. Arsyet janë të qarta. Cdo gjë ishte nën kontroll. S’ka incizime të plota! Te pavarura janë shumë pak. Të tjerat janë në shërbim të shtetit unitarist. Kujtoni kangjat dhe kërcimin e Ljubishës para mediave. Dmth: krejt skenar i parapërgatitur. Vetëm në katastrofë mund të jeton tradhtia dhe marifetet e pista. Kurse njerzit e Alisë prej moti ja kanë mbledh bejt Veselit pasi ai prishi niqahin me ta. Këta të Alisë venduan niqah me Veselin edhe pse vet ata e quajtën kryespiun të UDB-ës. Me sa dij unë niqahi prishet kur dashnia është e paqendrueshme, mirëpo dhuna në dashni është marrëzi që përfundon me tragjedi!

Në këtë rrahje nuk u kursyen as gazetarët. Edhe sulmet kundër gazetarëve ishin të koordinuara mirë. Për gazetarët e ALSAT-it që nuk kontrollohen nga Thaci ishin venduar në dispozicion Alfat. Të mos lejohet incizimi dhe përcjellja e ngjarjes. Kurse per Lirim Dullovin u kujdesen sherifat e BDI-së. Unë personalisht e dënoj ashpër sulmin mbi gazetarë edhe atëhere kur ata vendohen në shërbim të politikës. Por, në këtë rast, dorën në zemër, ALSAT-i është më objektiv dhe më i pranueshëm për shqiptarët në Iliridë. Kurse gazeta Koha më tepër shihet si zëdhënëse e qeverisë unitariste të Shkupit dhe marifeteve të Thacit. Kurse dora e zgjatur mbi Lirim Dullovin patjeter të dënohet dhe sulmuesi bashkë me sojsëzin e BDI-së të sillen para drejtësisë.

Eshte fakt se PDSH është në disorej, në grusht të Gruevskit, kurse kreu i saj në luftë me krejt shqiptarët që nuk mendojne si ta. Para një jave në ALSAT lideri i Bashkimit Demokratik Shqiptar Mr. Bardhyl Mahmuti paralajmeroi se Maqedonia me këtë logjikë nuk mund të integrohet në Perëndim. Luftën Gruevski – Cërvenkovski e quajti luftë mjegullash. Ai i paraqiti statistikat dhe përqindjen e shqiptarëve nëpër institucione që nuk përmbushin as minimalen e standardeve të Bashkimit Evropian. Këta statistika nuk i kemi dëgjuar kurrë nga Alija dhe Thaci pasi ata dy na kanë folur vetëm për rezultatet e marrëveshjes Krusheviqka. Kurse partia e Mr. Bardhyl Mahmutit këto standarde i sheh në kuadër të të drejtave të qytetarëve që duhet të realizohen dhe të mos politizohen nga partitë shqiptare. Ndërsa gjendjen e paraqiti si tepër dramatike që mund të përshkallzohet në cdo moment. Ai reagoi ashpër kundër ekpeditave policore në tokat shqiptare, kunder vrasjeve te pakuptimta në Kumanovë, kundër sulmeve të qeverisë së Shkupit mbi bizneset shqiptare, kundër revanshizmit të PDSH-së mbi BDI-n, kurse tani edhe mbi anetarët e Bashkimit Demokratik Shqiptar, kundër largimeve të shqiptarëve nga puna vetem pse s’kanë libreza të PDSH-së, kundër ligjit zgjedhor dhe në fund u dha një mesazh deputetëve shqiptare se në qofte se votojnë ligjin zgjedhor te propozuar nga Gruevski si mund të quhen nga shqiptarët dhe cka mund të ndodh me ta në të ardhmen.

Paraqitja e Mr. Bardhyl Mahmutit erdhi në javën e parë të Ramazanit, si reagim kundër qeverisë unitariste të Shkupit. Edhe pse partia e tij patë deklaruar se gjatë tërë muajit të Ramazanit bashkë me qytetarët e besimit Islam do të kenë një lutje të përbashkët: Zoti të na pranoj ibadetet! Por dinsëzët e kreut të PDSH-së nuk të lënë të qetë dhe rehat edhe në Ramazan. Kurse sojsuzët e kreut të BDI-së nuk mund ta paramendojnë veten pa kolltuk dhe pa Veselin në prehër. Të dy palët me këtë rrahje përcjellin një mesazh: Mos u mirrni ju të tjerët me politikë, politika është e keqe! Mos formoni ju të tjerët parti, partitë i kemi zaptuar ne! Mos u thirrni në të drejtat kombëtare, sepse të drejtat tona janë realizuar me neve në kornizën Krusheviqka në Ohër.

Me një fjalë, me këtë rrahje, dinsëzat dhe sojsëzat përpiqen t’i largojnë shqiptarët tjerë nga politika, tua gërdisin politikën, të mos angazhohen politikisht se nuk dijnë, nuk janë të civilizuar, janë primitive dhe zgjedhësit shqiptar t’i bindin se nuk ja vlen të dilet në zgjedhje pasi s’kan për kend të votojnë, kurse vetë ata sipas qejfit t’i mbushin kutitë aty ku banditët e tyre janë më të fortë. Shumë keq, vallahi keq, por shqiptarët të shtyrë nga kjo e keqe dhe duke besuar ne kualitetin e rinisë shqiptare kanë themeluar shpresa të reja, që Alija dhe Thaci, të dy të mbushur haram me djersën e popullit, do të përpiqen të bëhen pengesa, por kot do ta kenë.

Rrahja në Parlament është rrahje mes komitëve të Alisë dhe vojvodëve të Thacit. Ata nuk e kanë shumë gajle për qytetaret pasi cdoherë i kanë konsideruar vetëm turma dhensh që mund t’u vidhet vota sa herë qe duan në zgjedhje përmes kërcnimeve të banditëve partiak. Kjo rrahje është sikur ajo fjalë e njohur:”Zoti t’marrofte ftyrën në ditën e Pazarit.” Kurse në Shkup të martën cdo herë është ditë Pazari! Ju qytetar shqiptar në tokën e Iliridës, ju që jeni me Ramazan, ju e dini fortë mire se “edhe katili edhe maktuli jane në zjarrin Havije” Në këtë rrahje s’ka vend për pyetjen se Kush është viktimë e rrahjes?, as njëri as tjetri nuk janë racë e Abilit, por racë e Kabilit, të gjithë janë për t’u dënuar me moralin e pastërt shqiptar. Viktima jemi ne që i kemi lënë deri sot me luajt me fatin tonë. Sa ma shpejt që t’i largojmë këta dinsëza dhe sojsëza, aq ma mirë për ne…

Musa Lamallari

26/09/2007

NESE DESHIRONI TE KOMENTONI DHE TE JEPNI MENDIMIN E JUAJ PER POZITEN E SHQIPTAREVE NE MAQEDONI, ATEHERE KLIKO KETU!