O'er Mony Cowies in Buckie

C. M. Flett

Written after many hours tracing the histories of various Cowie families

February 2003

There wir ower mony Cowies lived in Buckie,

In the Catbow n' the Yardie as weel.

In genealogy ye need tae be lucky,

Or faimly trees jist winna be real.

But the tee-names come in fine 'n handy,

In helpin' tae sort oot fa's fa,

There's Bibies n' Bullens n' Captains

An' Carrots....wi a Cock Carrot n' a'

There's Codlins n' Collins, wir they nae the same?

While Cornals n' Coups finish off a' the C's.

Deidles, Dodles n' Dods sine Dougalls they name,

Dowies, Dozies, n' Duncans end a' the D's

Click to return to our Poets' corner

Cowie Gullies fa' seem tae have stayed doon the Yardie,

Mules, Pums nae forgettin' up-market Pum Carrot,

Pum Imlach, Rosie Dick or jist plain Cowie Rosie

Maks ye winner the meanin', n' how did they merit.

Cowie Rover is fine for a sea-farin' man...

Fit means Sannack, Spirral or Steener?

Cowie Upple's nae easy tae unnerstan,

Wis Santa Upple fae Nevada?...we winner.

There wir ower mony Cowies lived in Buckie,

In times past, twis the commonest name,

Says Black¹ wi' scholastic author'ty...

"From Kincardine they originally came".

¹The Surnames of Scotland, Dr. George F. Black