Div Y' Min'?

Anon

Div Y' Min' on lucky tatties

Fin y' whiles got back yer maik

Div y' min' on fairy circles

Solid tyres n' jist ae brake

Div y' min' on wardies horses

N' message loons on bikes

N' bantam sodgers on parade

We'd nivver seen the likes

Div y' min on boots wi' tackets

Itchin' combies, hand me doons

Fin naebody at a' hid trouble

Tellin' fa wis quines fae loons

Div y' min on gas-lit lamposts

N' the leery wi' his licht

Like moths aroun' a cun'le

Kids a' gaithered there at nicht

Div y' min' fin chunties neath the bed

Saved journeys in the caul

If you admit tae minin' at

Like me...Y'r gettin' aull!

Click to return to our Poets' corner