At the door of sleep, I turned and saw
A lass richt by my side
She smiled and said "Come ye tae me –
For I am yer bride."
Her smile sae sweet, but ach, I knew
A dream she hid tae be
For ma sweet Mary's noo lang gane
A distance far frae me
I left, some siller for tae gain
Tae mairry the lass I lo'ed
Oor partin' sweet – she promised me
That she wid aye be true.
Twas three lang years I'd been tae sea
- Each day I did her mind
Ma bonnie lass, wi raven locks
That I had left behind
The day that I came back, I mind
That well kent road I ran,
I pushed the door – and steppit in
Wi trembling shakkin han's
Her hummin' licht an free
I called, she turned – the smile she gaed
It made ma hert richt sair
Her dark eyes danced – her cherry mou' –
All gone – I'll see nae mair –
For even as her clear voice rang
"Oh Sandy, ye are home!"
A fell hand clasped her comely form
- Ma Mary turned tae stone.